තරු එලියේ තරුණ කඳවුර

අපි තරුන කඳවුර පැවැත්වෙන ගොවිකම් පුහුණු පාසැලට එනකොට තරුණ ලමයි හැට හැතෑවක් ලහි ලහියෙ වැඩ..පාර දෙපැත්ත බැනර් ,පෝස්ටර් වලින් සරසනවා.. පාට පාට ඩිමයි කරදාසි වල කහපාට ,කලුපාට ,රතුපාට ලැකර් තීන්තෙන් ලිව්ව ගැදි , පැදිත් ඒ අතර තිබුනා.සමහර ඒවා විශ්වසාහිත්යයෙන් කල උපුටා ගැනීම්..පුදුම සතුටක් දැනුනෙ ඒවා දැක්කහම .මාත් පිම්මෙ කොල්ලො කෙල්ලො එක්ක පෝස්ටර් අලවලා බැනර් දැම්මා.


හවස්ජාමෙ තේ බීලා අහවර වෙලා සංවිධායක කමිටුවකුත් කන්ඩායම් නායකයොත් තෝරගත්තා. ගොඩක් හිටියෙ වයස 18-22 අතර ළමයි.කියන පරක්කුවට ඔනෙ දෙයක් කරන්න එවරෙඩි. එතින් ඒගොල්ල දවස් දෙකේ වැඩසටහන සහ එකෙ න්‍යාය පත්‍රය ගැනත් අවශ්‍ය අනෙක් පහසුකම් ගැනත් කතා කලා.හැමෝම හරි උද්‍යෝගයෙන් හිටියෙ ඉදිරි දින දෙකේ රෑ යාමයේ පැවැත්වෙන වැඩ ගැන .ඒ වාදයක් සහ කෙටි චිත්ත්‍රපට ප්‍රදර්ශනයක් .ඒත් කාටත් අනියත බියක් තිබුනා විශේෂයෙන්ම කෙටි චිත්ත්‍රපටි බලන්නනම් බැරි වෙයි කියලා. මොකද ඒ පලාතට හවසට නිතරම විදුලි විසන්දි වීම් වෙනවා කියලා ගොවිකම් පුහුනු පාසලේ පාලක වරයා අපිට කල්තියාම අනතුරු ඇඟවීමක් දීල තිබුන නිසා .ඒත් හැට හැත්තෑවකට ඉන්න පහසුකම් තියෙන වෙන තැනක් නැති නිසා සංවිධායකයන්ට ඒ තැන තෝරගන්න වුනා.


හවස විවේකයක් ලැබුනහම මම ගොවිකම් පාසලේ අවට පොඩි රවුමක් දැම්මා. ඒක් හතලිස් ගනන් වල ලන්කාවෙ ගොවිකම් ප්‍රබෝධයත් එක්ක රජයෙන් ඉදි කරපු තැනක්. ඒත් මට හොඳටම හිනා ගියා "රජයේ පිරිමි ගොවිකම් පුහුනු පාසැල කියලා " එවකට සිටි ගොවිකම් ඇමතිගේ අතින් නිරාවරණය වුන සමරු ඵලකය දැක්කහම . ඒ කියන්න ගොවිතැන ඉගෙනගන්න ඒකාලෙ මෙතනට ආවෙ පිරිමි ළමයි විතරද කියලා හිත හිත මම ගියා පොදු වැසිකිලි සහ නාන කාමර දිහාවට . සංචාරෙදි ඔනෙම නවාතැනක මම පලමුවෙන්ම බලන්නෙ ඔය කරුනු දෙක . ඇත්ත තමයි වැසිකිලි සහ නාන පහසුකම් සකස් කරල තිබුනෙ ගොඩක් දුරට පිරිමි ලමයින්ට ගැලපෙන්න ..වතුර ටැංකි සහ විවුර්ත ස්නානය කර තැන් තිබුනෙ .එවා හරියට නාන කාමර හා වැසිකිලි සංකීර්ණ වගේ .කොහොමවුනත් අපි තීරණය කරා මේ පොදු පහසුකම් ගෑනු ළමයින්ටත් පිරිමි ලමයින්ටත් වෙන් කරලා දෙන්න . ඒවගේම රෑට ලයිට් ගියොත් පරිහරනය කරන්න පැට්‍රොමැක්ස් ලාම්පුත් ,ලොකු ඉටිපන්දමුත් සූදානම් කරගන්න සංවිධයක කමිටුවෙ ළමයි යුහුසුලු වුනා.


මට නවතින්න වෙන්කල තිබුන කාමරයේ යතුර අරගෙන ආව සංවිධායක කමිටු සාමාජිකාවක් වුනු අනුලා ඉතාම බැගෑපත් ස්වරයෙන් කිව්ව මෙතැන නවතින්න තියෙන සැප පහසුකම් අඩුයි කියලා.කැමතිනම් ඒලඟ තියෙන සුව පහසු නවාතැන්පොලක් මා වෙනුවෙන් ලැහැස්ති පුලුවන් කියලා .මම එකහෙලාම කිව්වා ඒකට කමක් නැහැ මේ පරිසරයට මම ආසයි කියලා.ලොකු ආදර්ශ වගා බිම් , ගස් කොලන් සහිත සුව දායක පරිසරයත්, උදේට ,දවල්ට,රෑට ලැබෙන කිරි රස හාලෙ බතුයි එලවලුයි එක්ක දෙන ගමේ කෑමත් ,ඔක්කොටම වැඩිය කෙල්ලන්ගෙ කොල්ලන්ගෙ ලෙන්ගතු හිනා හඬවලුත් දාල යන්න බැරි ගතියක් මට තිබුනා.


කෙලි කවට සිනහ ,උනුසුම් වාද ,අලුත් දැනුමෙන් පිරුණු තරුණ සිත් එක්ක වැඩ කරන එක සතුටක්. ඔන්න කවුරුත් පුල පුලා බලාසිටි දෙවැනි දවසේ කෙටි චිත්ත්‍රපට රාත්ත්‍රිය එලඹුනා.ඒත් ඉතින් කාගේත් බලාපොරොත්තු සුන් කරලා ලයිට් ගියා හවස 5 වෙද්දි. වැඩියෙන්ම ඒගැන දුක් වුනේ සංවිධායක කමිටුවෙ අරුන සහ අනුලා ,මේ අදහස ඒ දෙන්නගේ.ෆිල්ම්ස් හොයාගන්න දෙන්නම ගොඩක් මහන්සි වුන වග මම දන්න්ව . අපිට විදුලි ජනක යන්ත්‍රයක් සොයගන්නවත් විදියක් තිබුනෙ නැහැ.කොල්ලන්ගෙ කෙල්ලන්ගෙ මූනු මැලවිලා.


ඔය අතරේ මමත් මගේ අනිත් සගය වුනු රවිත් කතාකරා විකල්ප විසඳුමක් කොල්ලො කෙල්ලො සතුටු කරන්න . අපි කඳවුරු භූමියෙන් කාටත් හොර ටිකකට අතුරුදහන් වෙලා ලඟම තියෙන ටවුමට ගියා. භූමිතෙල් බෝතල් දෙකක් , ගිනි පෙට්ටි, හපන්න බැදපු රටකජු පොදියකුත් අරගෙන ආයෙ අපි ආවා තරුණ කඳවුරට


අපේ වාහනේ නවත්වලා මම ගිහිල්ල සංවිධායක කමිටුවට කිව්ව ඔක්කොම ලමයි රැස්කරන්න මිදුලෙ ලොකු අඹගහ ගාවට . ඔක්කොම කොල්ලො කෙල්ලො එකතු වුනහම අපි දෙන්න වාහනේ වහල උඩට නැගගෙන විරිදුවක තාලෙ දාල නිවේදනයක් කලා ,මොකක්ද දන්නවද එදා රාත්‍රී 9 ට පැවැත්වෙන ගිනිමැල සංගීත රාත්‍රිය ගැන.


දැන් මැලවුනු මූනු වලට නව පන ඇවිත්.කඩියො වගේ එහෙ මෙහෙ දුවනවා දර පොල්කොල හොයන්න ගිනි මැලේට .හොහෙන්දෝ සොයාගෙන ආව පැදුරුත් අඹගහ යට අතුරල තිබුනා. විලක්කු පන්දම් කීපෙකුත් වටේට ගහල.


හරියට රෑ 9 ට අපේ වැඩේ පටන්ගත්ත.අනුලත් ,අරුණත් සිනහ මුසු මුහුනින් ගිනි මැලය පත්තු කරා.කොල්ලො කෙල්ලො අත්පොලසන් දුන්න.ගොවිකම් පාසලේ වයසක මුරකරු සිය කැමැත්තෙන්ම අපේ ගිනි මැලයට ආවතේව කරන්න පටන්ගත්තා.ඔන්න සින්දු නැගලා යනවා.ශාන්ත මේ රෑ යාමෙන් පටන් අරන් , සෝබාව දේ ඇතුලු ප්‍රකට නාට්‍ය ගීතත්, ක්ලැරන්ස් ගෙ සින්දුත්, ජෝතිගේ අමරනීය ගීත් ,ප්‍රියන්ත ප්‍රනාන්දුගෙ වැල් බයිලත් ඒ අතර තිබුනා, හාස්‍ය උපදවන කෙටි නාටකයකුත් එවෙලෙ ර්ඟ ඩැක්වුව.කොල්ලො කෙල්ලො දෙපිලකට බෙදිල තරඟෙට ගී ගයන්න පටන් අරගෙන තිබුන ඒවෙනකොට.


මම අහස දිහා බැලුවා,තරු විසිරුනු නිල් අහසේ පොඩි හඳ පලුවක් තිබුනේ.තරු ආලෝක දහරා ඈත කඳු වැටියට පතිතවෙලා,පන්දම් සහ ගිනි මැල එලිය ඇරුනහම අවට කරුවලයි .හීන් හීතල හුලඟක් විතරක් හැමුවා.


රෑ 11 වෙලත් ගී ගැයීම් නතරවුනේ නැහැ. අන්තිමට කාටත්හ් පහුවෙනිදට වැඩ අවසන් කරල ගෙදර යන්න තියෙන නිසා රවිටයි මටයි අකමැත්තෙන් වුනත් සිද්දවුනා වතුර බාල්දියක් දාලා ගිනි මැලය නිවලා සන්දර්ශනය හමාර කරන්න


කොයිතරම් පහසුකම් සහිත ලස්සන් තැන් වල නැවතුනත් තරු එලියෙ ගිනි මැල වටේ අඹගහ යට සින්දු කිව්ව ඒ රාත්‍රියනම් මට අමතක වෙන්නෙ නැහැ.