හවස 3 ට
දුම් දාන තිත්ත කෝපිත්
ප්‍රිය මිත්‍ර සම්පයෝගයකුත්
සිනා වැගිරෙන අවන්හලකුත්
ණයට ගත් දෙපැයක ඉසිඹුවකුත් ඇත
මේඝය
තොප කැමතිනම් වහින්න !
හවස 7 ට
ජීමේල් චැට් ලය විරේක
ඈත ඉන්දු සයුරෙන් එපිට සිට
පාව එන මිතුරු ප්‍රේම් විරහවන්
අසා කඳුලකුදු නොසලා
බඩගින්න සමග අවුලවා
ලුණු වැඩි ක්ෂණික නූඩ්ලස් සමග බුදිමි !
මැදියම් රෑ
මූණු පොතේ සියල්ලට ලැයික් කර
සොඳුරු සිනා පිලි වදන් ලියා තබා
සුබ රැයක් පතා
අඩ වැටුප් පමණක් ගෙන
හිස හැරුණු අත යනයුරු
තනිව සිතම්!
