නිකං රවුම් ගහන වරං !

ෆුට් ලූස් ෆැන්සි ලයිෆ් ස්ටයිල් එක 
නියමයි මචං 
පට්ට ජෙලක් දැනේ 
යන් එන ගමං බිමං


මොකෝ අපි  වගේද 
වැදගත් වැඩක් කරනව කියලද 
නිකං රවුම් ගහන වරං
රස්සාවටත් අහසෙමයි ඉන්නෙ


අඬන්න ලමයි ඉන්නවද 
රෑට බත් මාලු උයන්නද 
මොනවයින්  කරදරද 
හිතුන හිතුන අත ඇවිදින්න 

ආදරණීය දම් පාට මල් වැල

මගේ සොල්දර බංගලාවේ 
කවුලු වලින් හොරෙන් එබුණ 


සති අන්තෙ උදේ පාන්දරත් 
නිවනක් නැතුව කච බච ගෑව 
දෙමලිච්චො ,බට්ටිච්චොන්ට 
නොමිලේ නවාතැන් සැපයුව 



රෑට අපේ කසු කුසු කතා 
හොරෙන් අහන් පවන් සැලුව 
ලේන් පැටවු උගුඩුවන්ට 
හොරෙන්ම ගෙට රිංගන පාර කිව්ව 


නම නොදන්න ආදරණීය 
දම් පාට මල් වැල 
අදට අපි වෙන්වෙලා 
හරියටම දෙවසරයි